منذ الصباح الباكر وانا اقود سيارتي في حلقات مفرغه بلا هدف واخيرا ها انا ذاهبه لما كنت اهرب منه ذلك الاتجاه نعم ذلك الاتجاه حاولت جاهده ان امنع نفسي ولكني لا استطيع المقاومه لا استطيع ...
الان وبعد ان مرت اعواما واعوام منذ ان كنت اخر مرة في هذا المكان ..تلك البحيرة وهذا الكوخ الصيفي ماذا حل بهما لقد جئت الان لاهثه لاراكما كم اشتقت اليكما طفلاي انا هنا ..امكما...لن اترككما
ثانيه ابدا ابدا....
بيتي الجميل لقد تحول الى اطلال وهذا الباب كم اصبح ثقيلا تمكنت بصعوبه من ان افتحه يااااه ما هذا الظلام لولا ضوء الشمس لما تمكنت من ان اري اصابع يدي يالمنزلي الجميل لقد سكنتك الخفافيش والفئران وما هذه القصاصه
قصاصه كتب عليها "عدت ولم اجدك ... زوجك المخلص الى الابد "
زوجي الحبيب كم اشتقت اليك متى عدت ومتى كتبت تلك الورقه يااااه منذ سنوات طويله
ومنذ سنوات اطول وانا انتظرك انتظرتك كثيرا حبيبي ولم تعد سنوات وسنوات مضت وانا وحيده بدونك اعاني الوحشه والعذاب
ماحدث لطفلينا لم يكن ذنبي
هنا في هذا الكوخ كم كنا نقضي اسعد اوقاتنا نلهو ونمرح كم كنت طيبا رقيق القلب وكم كانا رائعان اه... كم اشتقت اليهما واليك
حبيبي لم اخطىء لقد كنت معهما اراقبهما من على شاطىء البحيره وفي لحظه ما اغمضت عيني لافتحهما على صراخهما هرولت مسرعه جاهدت حاربت القدر ولكني لم استطيع كان قد فات ا لاوان وابتلعتهما تلك البحيرة بمنتهى القسوة والقوة
كيف هان عليها مرحهما وصباهما وكم كانت رحيمه بي عندما حاولت ابتلاعي انا الاخرى ولكن للاسف جئت انت وانتشلتني ياليتها نجحت في ذلك وياليتك فشلت في انقاذي
انقذتني من الغرق وقتلتني بنظراتك واتهاماتك الدائمه لي بالاهمال ذبحتني برغبتك في ان نغادر هذا المكان كم قلت لك لا لن ابرح مكاني ان طفلاي يرقدان هنا في باطن البحيرة كيف اتركهما وامضي لا لن اتركهما ...فتركتني ؟!!! تركتني انت ومضيت ولم تعد
انتظرتك سنوات وسنوات وتدهورت حالتي الى ان اودعني والداي احدى المصحات النفسيه وقضيت بها اعواما اخرى طوال وليال ثقيله تعذبت لفراق تلك البحيرة التى تحتضن طفلاي وتعذبت لفراقك
وبعد ان تركت المصحه ...وفي اول فرصه لي لكي اخرج بمفردي ها انا الان اعود الى هنا الى المكان الذي شهد اجمل ايام حياتي واتعسها شاهد ضحكتها ومرارتها
جئت لاجد تلك القصاصه اللتي لو كنت رايتها في حينها او حتى علمت بها لكانت تغيرت اشياء كثيرة بداخلي وهاهي الان تاكلت اطرافها وتكاد حروفها ان تختفي كحياتي
ابحث عن ورقه في حقيبتي ... وجدتها ..وقلم ؟ هاهو
حسنا ساترك لك كلمات لعلك تاتي في يوم من الايام لتقراها ولكنك لن تجدني ساكون في حضن اطفالي
ستجد تلك القصاصه ...
" زوجي الحبيب عدت ولم اجدك....زوجتك المخلصه الى الابد "
تمت
همسه
وبعد ان تركت المصحه ...وفي اول فرصه لي لكي اخرج بمفردي ها انا الان اعود الى هنا الى المكان الذي شهد اجمل ايام حياتي واتعسها شاهد ضحكتها ومرارتها
ردحذفجئت لاجد تلك القصاصه اللتي لو كنت رايتها في حينها او حتى علمت بها لكانت تغيرت اشياء كثيرة بداخلي وهاهي الان تاكلت اطرافها وتكاد حروفها ان تختفي كحياتي
ابحث عن ورقه في حقيبتي ... وجدتها ..وقلم ؟ هاهو
حسنا ساترك لك كلمات لعلك تاتي في يوم من الايام لتقراها ولكنك لن تجدني ساكون في حضن اطفالي
ستجد تلك القصاصه ...
" زوجي الحبيب عدت ولم اجدك....زوجتك المخلصه الى الابد "
-----------------------
جميلة اوى يا همسة ...جميلة وحزينة..,
يعنى بس لو سمحتيلى ببعض النقد بعيدة عن بيئتنا ...يعنى انا معرفش حد قريب او بعيد عندة كوخ عند بحيرة...
الا بحيرة السخنة...بس دة ميمنعش ان تخيلك جميل اوى,,,والقصة حزينة
غزالي
ردحذفسعيده جدا بمتابعتك
واول تعليق في اول يوم للمدونه الجديده شيء يشرفني
وبالنسبه للنقد يا سيدي انقد زي ماانت عايز ولا يهمك لانه بيكون مفيد زي ما نصحتني بتحرير القلم من الالتزام بالقافيه وصدر عنه هذه المدونه
ونيجي بقى لموضوعنا اولا انت اخترت اصعب العبارات واجملها وده شيء اشكرك عليه
ثانيا هي فعلا مش بيئتنا وده مقصود لاني كنت عايزة اكتب حاجه رومانسيه واحنا بيئتنا ماتديش الاحساس ده الاحساس اللي ينقلك من مكانك لمكان تاني خالص مش ملموس خيال ...
فكرة الكوخ الصيفي مش موجوده عندنا بالمرة الا لفئه معينه ومش في مصر يعني ربنا يدينا كده بيشتروه بره عقبال السامعين
وكمان البحيرات اللي عندنا ما بتغرقش
احنا عندنا ترعه ونيل وخضرة وزرع رومانسيه برده بس بطريقه مختلفه
وللمرة التانيه بشكرك جدا جدا على التعليق
همسه
ايه الجمال ده
ردحذفحلوه جدا ياهمسه
بس حزينه ليه
ادام الله عليكى الفرح صديقتى
ممكن الكلام يكبر شويتين
ردحذفنفسى أقرأها
وممكن حاجة كمان
ممكن تشيلى كلمة التأكيد
جميله يا همسه
ردحذفحلوه القصه
دينا صاحبتي
ردحذفميرسي على التعليق الرقيق انتي اللي جميله
اما بالنسبه للحزن في القصه مش عارفه ليه هي خرجت حزينه كده
كان نفسي اكتب حاجه مرحه بس انا فعلا بكتب اللي يخطر على بالي في نفس اللحظه من غير ما اقدراحدده واواعدك يا قمر اول حاجه مرحه تخطر على بالي حكتبها انشاء الله
بحبك يا صاحبتي
همسه
omaima
ردحذفيا قمر المدونه الجديده منورة بيكي
جاري تكبير الخط مش عارفه كلمه التاكيد اشيلها ازاي بس حجرب اشيلها
ومستنيه رايك يا ميمو
همسه
واحده مفروسه
ردحذفانا مبسوطه بجد انها عجبتك ومبسوطه اكتر بمتابعتك ويارب دايما معايا
همسه
قصة حلوة وأحس فيها بتأثرك بالأدب الغربى
ردحذفوالله أعلم
د/هيما
يا سلام.. بداية موفقة ان شاء الله
ردحذفو لبطلة القصة أقول:
طول الأمل يخيب الرجا
....تحياتي........
قصة رائعة جدا يا همسة
ردحذفبجد شدتنى قوى مع انها حزينة ولكن تحمل فى طياتها قمة الرومانسية للزمن الجميل
ونهاية اجمل من رائعة يا اختى
ابحث عن ورقه في حقيبتي ... وجدتها ..وقلم ؟ هاهو
حسنا ساترك لك كلمات لعلك تاتي في يوم من الايام لتقراها ولكنك لن تجدني ساكون في حضن اطفالي
ستجد تلك القصاصه ..." زوجي الحبيب عدت ولم اجدك....زوجتك المخلصه الى الابد "
تحياتى وتقديرى
خالد
Dr-hema
ردحذفشرفت المدونه الجديده بتعليقك يا صديقي
وبالنسبه لتاثري بالادب الغربي اعتقد انه وصلك الاحساس ده زي ما وصل لصديقي الغزالي بس زي ما قلتله انا كنت قاصده اترك المكان علشان ادي مساحه للخيال يسرح بعيد مع القصه
ولا انت تقصد الاحداث وردود فعل الاشخاص ؟
وعلى العموم انشاء الله القصه الجايه شرقيه مصريه واقعيه جدا جدا جدا
وحستنى رايك لانه راي ناقد ومفيد ولفت نظري لحاجه مكنتش شايفاها ودي فايده النقد البناء
صديقتك همسه
صديقي الهدهد الطائر
ردحذفمنور والله ... يارب دايما
ميرسي على تشجيعك و متابعتك
وحبلغ رسالتك لبطله القصه ده اذا كانت لسه عايشه
همسه
همس الاحباب
ردحذفصديقي خالد
انا بقى بجد بكون في اسعد لحظات حياتي لما صديق من اصدقائي يختار جمل وعبارات من كلماتي ويوضح لي تاثره بيها
حقيقي اسعدني تعليقك
وشرفتني يا ابو همس
همسه
كانت الموبايلات فين
ردحذفشفتي شفتي فايدة الموبايلات
كان زمانهم رجعوا لبعض دلوقتي
بس بجد قصة جميلة أحييكي عليها
جميل قوى ياهمسة
ردحذفبس حزينة
حزينة رغم رومانسيتها
دمتى مبدعة
تحياتى
المفقوعه مرارتها
ردحذفوحشتيني ووحشتني تعليقاتك
اما بالنسبه للموبيلات فزي ما قال همس الاحباب هي جايه من الزمن الجميل
يعني حاجه كده ابيض واسود
وبعدين يا ستي خلي خيالك واسع مكنش فيه سيجنال مثلا
بس انا كنت عايزة اوضح ان شخصيه الزوجه شخصيه الى حد ما سلبيه من النوع اللي بيستنى القدر يعمل فيه ايه ما بيحاولش يشارك في صناعه حياته
يعني مستنيه انه يرجع ومستنيه اهلها يودوها المصحه والقرار الوحيد اللي اخذته هو التخلص من حياتها ..سلبي برده
اما الزوج فهو واضح انه مش عايز يرجع والا كان دور عليها
وفيه حل تالت نعمل القصه تايتانيك يعني نخلى القصه كلها عبارة عن رساله وحد تالت بره الحكايه بيقرى القصاصتين
بس بشرط انه يكون معاه موبايل
عندي 100 حل نقي بقى اللي يعجبك
ويارب يخليلك حماتك
همسه
كاميليا
ردحذفكوكي
ميرسي على وجودك هنا وعلى التعليق الجميل يا قمر
بالنسبه للحزن مش عارفه ليه دايما بيظهر في كتاباتي لدرجه اني خايفه امسك القلم تطلع حاجه جديده حزينه مع اني مرحه والله وبحب الضحك
على العموم ربنا يستر من القصه الجديده وما تطلعش حزينه
اما موضوع الابداع ده كتييييييييييير على جدا الابداع ده بتاعك انت يا كوكي
همسه
افرحي شويه يا همس الدنيا مش مستاهله
ردحذفdrpharma
ردحذفاول زياره
نورت المدونه وحاضر حفرح شويه بس شويه بس
همسه
ياه رومانسية حزينة
ردحذفو لكن كل خيوط القصة فى يدك
لا أبالغ إذ قلت تصورتها حقيقية
دمتى مبدعة و سعيد أنى مررت هنا
الله ينور بالرغم اني مش بحب المحامين
ردحذفكل دة علشان تنشرى قصة جديدة؟
ردحذفرائعة جدا
ردحذفاخي الغالي ابو خالد
ردحذفانت بجد عندي في مدونتي ؟
زيارتك شرف لي وتعليقك اكبر بكتييير من اللي استحقه
اختك همسه
drpharma
ردحذفالله ينور عليك انت
بالرغم من اني انا كمان مبحبش المحامين
همسه
غزالي
ردحذفازيك
بس التاخير ده مش علشان قصه جديده لا علشان ماكنش فيه نت ههههههه
همسه
موناليزا
ردحذفانت كمان رائعه جدا جدا
همسه
همسة
ردحذفانتى فين؟؟
غايبة بقالك كتير
يارب تكونى بخير يارب
وحشتينى قوى
تعالى
فى انتظار جديدك ياهمسة
تحياتى وحبى
احلى همسة
ردحذفازيك انتى فين وفين جديدك
يارب تكونى بخير
طمنينا عليكى
تحياتى لاحلى همسة
كاميليا
ردحذفكوكي الجميله
انت كمان وحشتيني جدا جدا جدا
وحتى لو كنت متدايقه شويه فسؤالك ده فعلا غيرني حسسني انك بجد صديقه غاليه وجميله وبتحسي بصحابك مهما كانو بعيد
انتي فعلا روحك شفافه يا كوكي
ومتقلقيش علي انا جايه تاني انشاء الله
همسه
همس الاحباب
ردحذفازيك انت يا صديقي
انا موجوده بس ملخبطه شويه
مش حطول راجعه انشاء الله
ميرسي على سؤالك
همسه