خبر حلو قوي
الحمد لله والشكر لله وبفضل دعواتكم يا اصدقائي وحبايب قلبي هند فاقت من الغيبوبه وكمان فتحت عينيها وكمان تم ازاله جهاز التنفس
الحمد لله زرتها وتخيلوا دفعت البا ب الزجاجي بقوة ودخلت المستشفى ولما وصلت لغرفه العنايه المركزة اتفاجئت اني لازم اشوفها من خلف شباك زجاجي اتقهرت طلبت اني ادخل لها بس اوامر الطبيب كانت حازمه ...ممنوع ممنوع ممنوع
كان نفسي المسها بس ..وفجأه عرفت انها لازم تسيب الغرفه علشان تعمل اشعه وعلشان توصل لغرفه الاشعه لازم تمر من قدامي ... وفعلا خرجت بسريرها من غرفه العنايه المركزة وعدت قدامي وكمان السرير علق لدقائق... لمستها وشفت عينيها بتبصلي
حسيت برعشه في جسمها والدتها قالت ان دي طريقتها للتعبير عن نفسها
مش بتتكلم بس متاكده انها عايزة تقول اللي يجمعهم ربنا مفيش شبابيك او ابواب او حتى دكتور يمنعهم عن بعض
قلت لهم ان المشكله في عجله السرير عدلوها وكملوا الطريق لغرفه الاشعه
رجعت البيت وانا بقول لنفسي اللي يجمعهم ربنا مفيش حاجه في الدنيا تمنعهم عن بعض ....
يارب يارب يتم شفاكي على خير يا هند
حنان